Qəbələ Rayon İcra Hakimiyyətində Fövqəladə Hallar Nazirliyinin dəvəti ilə gəlmiş peşəkar klinik-psixoloq, psixoterapevtlərlə görüş keçirilmişdir.
Azərbaycan Respublikası Fövqəladə Hallar Nazirliyinin dəvəti ilə Türkiyə Respublikasından ölkəmizə gəlmiş peşəkar klinik-psixoloq, psixoterapevtlər tərəfindən nazirliyin psixoloqları ilə birgə Qəbələ rayonu Modul Tipli Xəstəxanada 05 sentyabr- 10 noyabr 2022-ci il tarixlərdə Vətən müharibəsi ilə bağlı psixoloji problemlər yaşayan şəhid ailələrinin üzvləri, qazilər və müharibə iştirakçılarının reabilitasiyası həyata keçirilmişdir. 12 noyabr 2022-ci il tarixində Qəbələ rayonunda fəaliyyət göstərən klinik-psixoloq və psixoterapevtlərlə Qəbələ Rayon İcra Hakimiyyətinin rəhbərliyinin görüşü keçirilmişdir. Görüş zamanı rayon icra hakimiyyətinin başçısı Səbuhi Abdullayev onlarla səmərəli fəaliyyətlərinə görə təşəkkürünü bildirmiş, eyni zamanda şəhid ailələri, qazilər və müharibə veteranlarına göstərilən diqqət və qayğıya görə Azərbaycan Respublikasının Prezidenti cənab İlham Əliyevə və Birinci vitse-prezident Mehriban xanım Əliyevaya minnətdarlığını bildirmişdir. Sonda klinik-psixoloq və psixoterapevtlərə rayon icra hakimiyyətinin Fəxri Fərmanları təqdim edilmişdir.
