1 Avqust - Azərbaycan əlifbası və Azərbaycan dili gününə həsr olunmuş tədbirlər keçirilib
Qəbələ rayonunun ümumtəhsil məktəblərində 1 Avqust - Azərbaycan əlifbası və Azərbaycan dili gününə həsr olunmuş silsilə tədbirlər keçirilib. Tədbirlərdə ana dilimizin keçdiyi inkişaf yolu, dilimizə göstərilən dövlət qayğısından bəhs etməklə yanaşı dilimizin tarixin müxtəlif dövrlərində ərəb-fars dillərinin təsirinə məruz qalması, Sovet hakimiyyəti illərində tariximizə, eləcə də dilimizə qarşı yeridilən yadlaşdırma siyasətindən söz açılmış, Azərbaycan dilinin qorunmasında və inkişafında Ulu Öndər Heydər Əliyevin əvəzsiz rolu olduğu və ölkə başçısı İlham Əliyevin həyata keçirdiyi uğurlu siyasətlə doğma ana dilimizin bugünkü inkişaf səviyyəsinə çatmasında olduqca mühüm əhəmiyyət kəsb etdiyi diqqətə çatdırılmışdır. Tədbirlərdə şagirdlər ana dilimizə həsr edilən şeirlər söyləmiş, ədəbi-bədii kompozisiyalar nümayiş etdirmişlər.
