Rayonda ağacəkmə kampaniyası keçirilib.
12 noyabr 2016 | 16:00
Qəbələ Rayon İcra Hakimiyyətinin təşkilatçılığı ilə rayonda növbəti ağacəkmə aksiyasına start verilib. Yerli təşkilatların nümayəndələri və şəhər sakinləri rayon ərazisində təmiz ekoloji mühitin yaradılması və yeni yaşıllıqların salınması məqsədi ilə Qəbələ şəhərinin 28 may küçəsinin kənarında, xüsusi təyin olunan sahədə 200 - dən yuxarı şam və ağcaqayın ağaclarının tinglərini əkiblər. Ağacların suvarılması üçün xüsusi su maşınları cəlb olunub. Aksiyada yeni əkilən ağaclara hər həftə qulluq edilməsi qərara alınıb. Yaşıllıqların sayının artırılması istiqamətində keçirilən bu aksiyanın davam etdirilməsi nəzərdə tutulub.
Keçidlər
