Qəbələ Müalicə Diaqnostika Mərkəzində anım günü qeyd olunub.
Qəbələ Rayon Müalicə Diaqnostika mərkəzində ulu öndər Heydər Əliyevin anım günü ilə əlaqədar tədbir keçirilmişdir. Mərkəzin kollektivi ilk olaraq ümummilli liderin xatirəsini bir dəqiqəlik sükutla yad etmişlər. Tədbiri giriş sözü ilə açan mərkəzin direktoru Ceyhun Əhmədov ulu öndərin həyat və fəaliyyəti barədə məruzə etmişdir. Tədbirdə mərkəzin direktor müavini Kamal Məmmədov, gənc həkim Səbinə Məmmədova çıxış edərək xalqımızın xilaskar oğlu dahi lider Heydər Əliyevin xüsusən səhiyyənin inkişafına daim diqqətlə yanaşdığını, onun maddi-texniki bazasının möhkəmləndirilməsinin və kadr potensialının yaradılmasının qayğısına qaldığından söz açmışlar. Qeyd olunub ki, dahi şəxsiyyətin təşəbbüsü ilə səhiyyə sistemində aparılan islahatlar xidmətin keyfiyyətcə yaxşılaşmasına zəmin yaradıb. Diqqətə çatdırılıb ki, ulu öndərin siyasi kursunun layiqli davamçısı Prezident İlham Əliyevin diqqət və qayğısı sayəsində Azərbaycanın səhiyyə sistemində aparılan uğurlu islahatlar, tibb müəssisələrinin maddi-texniki bazalarının təkmilləşdirilməsi, təchizat və kadr hazırlığı ilə bağlı görülmüş işlər bu sahəyə göstərilən diqqətin bariz nümunəsidir.
