Rayon İcra Hakimiyyətinin əməkdaşları ilə birgə Qəbələ Gənclərin İnkişaf və Karyera Mərkəzinin könüllüləri pandemiyaya qarşı mübarizədə əhali arasında maarifləndirmə işlərini davam etdirirlər.
Qəbələ Rayon İcra Hakimiyyəti tərəfindən pandemiyaya qarşı mübarizə tədbirləri Operativ Qərargahın müəyyən etdiyi qaydalar əsasında daha da gücləndirilərək mobil qruplar yaradılıb. Mobil qruplara daxil olan Qəbələ Gənclərin İnkişaf və Karyera Mərkəzinin Gənc Könüllüləri və RİH əməkdaşları birgə fəaliyyət göstəriblər. Bu qrupların tərkibində fəaliyyət göstərən könüllülər müəssisə, təşkilat və sahibkarlara məxsus obyektlərdə pandemiyaya qarşı mübarizədən irəli gələn tələb və tövsiyələri bir daha sakinlərin diqqətinə çatdırırlar. Şifahi məlumatlandırma ilə yanaşı, sakinlərə üzərində COVID-19 virusuna yoluxma riskini azaldacaq məlumatlar əks olunmuş bukletlər paylanılır, yaşayış binalarının, ticarət obyektlərinin və vətəndaşların daha çox olduğu məkanların giriş və çıxışlarına bildiriş vərəqələri yerləşdirlir. Bu cür tədbirlər mütəmadi olaraq davam etdirilir.
.jpeg)
.jpeg)
