Rayon ərazisində karantin rejimi ilə bağlı reydlər davam etdirilir.

05 avqust 2020 | 16:00

05 avqust 2020-ci il tarixində Qəbələ rayonunda xüsusi karantin rejiminin tələblərinin yerinə yetirilməsi üçün əhali arasında maarifləndirmə işlərinin aparılması məqsədilə yaradılmış mobil qrupların üzvləri tərəfindən izahetmə və xəbərdarlıq işləri davam etdirilmişdir. Mobil qruplar ölkə ərazisində tətbiq olunmuş xüsusi karantin rejimi ilə əlaqədar rayonun ictimai iaşə, ticarət və digər obyektlərdə müəyyən edilmiş qaydalara əməl olunması vəziyyətini öyrənmək və lazımi tədbirlər görmək üçün reydlər aparmışlar. Reydlər zamanı vətəndaşlara koronavirusa yoluxma riskinin azaldılması üçün tibbi maskadan istifadənin və sosial məsafənin saxlanılmasının vacibliyi bir daha izah olunmuşdur. Gün ərzində 39 ticarət obyektinə və 59 digər obyektə baxış keçirilmişdir. Karantin qaydalarını pozduğu üçün 24 nəfər ticarət, 6 nəfər iaşə obyektinin, 5 nəfər avtomobil təmiri müəssisəsinin və 1 nəfər bərbərxana köşkünün işçisi İnzibati Xətalar Məcəlləsinin müvafiq maddəsi ilə hər biri 100 manat məbləğində cərimə olunmuşlar. 1 dünyasını dəyişmiş mərhumun ailəsinə yas mərasiminin infeksiyanın yayılmasına səbəb olduğu üçün keçirilməməsi ilə bağlı xəbərdarlıq olunmuşdur. Operativ Qərargahın müvafiq qərar və sərəncamlarına uyğun olaraq karantin qaydalarına ciddi riayət olunmasını təmin etmək məqsədilə rayon ərazisində reydlər davam etdirilir.

Keçidlər