Rayonda maarifləndirmə tədbirləri və reydlər müntəzəm olaraq aparılır.

18 oktyabr 2020 | 16:00

18 oktyabr 2020-ci il tarixində rayonda xüsusi karantin rejimi qaydalarının təmin olunması ilə bağlı reydlər davam etdirilib. Mobil qruplar əhalinin sıx olduğu məkanlarda, ticarət, ictimai-iaşə obyektlərində olmuş, xüsusi karantin rejimi ilə bağlı müəyyən edilmiş qaydalara əməl olunması vəziyyətini öyrənmiş, maarifləndirmə işi aparılaraq Operativ Qərargahın qərarlarına uyğun digər tədbirlər həyata keçirilib. Reydlər zamanı sosial məsafənin saxlanılmasının və tibbi maskadan istifadənin vacibliyi bir daha vətəndaşların diqqətinə çatdırılıb. Gün ərzində ümumilikdə 39 ticarət obyektinə və 56 digər əhalinin daha çox müraciət etdiyi obyektlərə baxış keçirilmişdir. 2 dünyasını dəyişmiş mərhumun ailələrinə yas mərasiminin keçirilməməsi ilə bağlı xəbərdarlıq edilib. Xüsusi karantin rejimi qaydalarını pozduqlarına görə 1 nəfər ictimai iaşə, 3 nəfər ticarət obyektinin, 1 nəfər ayaqqabı təmiri sexinin işçisi İnzibati Xətalar Məcəlləsinin müvafiq maddəsi ilə hər biri 100 manat məbləğində cərimə olunmuşlar. Bu istiqamətdə maarifləndirmə tədbirləri müntəzəm olaraq davam etdiriləcək.

Keçidlər