Qəbələ Turizm və Otelçilik üzrə Peşə Tədris Mərkəzində 20 Yanvar faciəsinin iyirmi dördüncü ildönümü ilə əlaqədar tədbir keçirilmişdir
Qəbələ Turizm və Otelçilik üzrə Peşə Tədris Mərkəzində 20 Yanvar Ümumxalq hüzn gününə həsr olunmuş tədbir keçirilmişdir.
İlk öncə mərkəzin bütün mühəndis - pedaqoji kollektivi və şagirdləri 20 Yanvar faciəsi şəhidlərinin ruhunu bir dəqiqəlik sükutla yad etdilər.
Tədbirdə çıxış edən tədris mərkəzinin direktoru E.Kazımov 1990-cı il yanvarın 19-dan 20-nə keçən gecə Sovet ordusunun erməni quldur dəstələri ilə birgə Azərbaycan xalqına qarşı həyata keçirdiyi terror aktı barədə danışdı.O, qeyd etdi ki, böyük itkilər , günahsız insanların qətli ilə nəticələnən 20 Yanvar faciəsi Mixail Qorbaçov başda olmaqla cinəyatkar imperya rəhbərliyinin Azərbaycana qarşı xəyanətkar siyasətinə dözməyən , öz azadlığına , müstəqilliyinə can atan Azərbaycan xalqının həm də mübarizliyini , əyilməzliyini, məğrurluğunu nümayiş etdirir.
Sonra mərkəzin GÇH rəhbəri İ.Əfəndiyev geniş məruzə ilə çıxış etdi. O, kollektivə müraciətlə bildirdi ki , 20 Yanvar Azərbaycan xalqının tarixində sadəcə ağrı və acı ilə xatırlanacaq gün deyil. Unutmamalıyıq ki , həmin gün küçələri boyamış al şəhid qanları bir anlamda milli təfəkkürümüzün oyanan günəşinin qırmızı şəfəqini simfolizə edirdi. Xalqımız həmin gecə üstünə şığıyan dəhşətli kabusa , sovet hərbi güclərinin qorxunc qaragüruhuna qarşı sinəsini verməyi və bununla özünün mənliyini və mətinliyini nümayiş etdirməyi bacardı.
Mərkəzin müəllimi R.Məmmədova 20 Yanvar hadisəsi haqqında danışaraq qeyd etdi ki , öldürülənlər arasında beş millətin nümayəndələri , cox sayda qadın və uşaq da var idi. İnsanlar nəinki küçələrdə, hətta avtobusda gedərkən , öz mənzillərində oturduqları yerdə güllələrə tuş gəlirdilər. Natiq o günlərin canlı şahidi kimi gənc nəslə müstəqilliyimiz uğrunda şəhid olan insanların xatirəsini daim əziz tutmağı, onları heç zaman unutmamağı tövsiyə etdi.
Mərkəzin şagirdlərindən Vüsal Mustafayev, Mehrac Yunuslu gənclər adından çıxış edərək əminliklə bildirdilər ki , onlar vətənə sədaqətli övlad kimi yetişəcək , əsl vətəndaş kimi xalqımızın müstəqilliyinin qorunub saxlanmasında fəal iştirak edəcəklər.
Tədris mərkəzinin direktor müavini R.Məmmədova çıxış edərək qeyd etdi ki, Azərbaycan xalqının böyük oğlu, Ümummilli liderimiz özünə və ailəsinə qarşı olan təhlükələrə baxmayaraq, SSRİ rəhbərliyini, M.Qorbaçovun siyasətini kəskin pislədi, faciəyə öz qəti ehtirazını bildirdi. 20 Yanvar faciəsi Azərbaycan xalqını səfərbər etdi, onun azadlıq və müstəqillik uğrunda mübarizəsini gücləndirdi. Vətən şəhidlərini heç vaxt unutmayacaq.
