Qəbələ Uşaq və Ailələrə Dəstək Mərkəzində “Şanlı Zəfər” adlı tədbir keçirilib

05 noyabr 2021 | 08:00

04.11.2021-ci il tarixində Qəbələ Uşaq və Ailələrə Dəstək Mərkəzində ”Şanlı Zəfər” adlı tədbir keçirilib. Mərkəzin mütəxəssisləri, şəhid ailələri, qazilər və müharibə iştirakçılarının iştirak etdiyi tədbir Azərbaycan Respublikasının Dövlət Himninin səslənməsi ilə başlayıb. Şəhidlər bir dəqiqəlik sükutla yad edilib. Çıxış edənlər 44 günlük Vətən müharibəsində Ali Baş Komandan İlham Əliyevin rəhbərliyi ilə ordumuzun döyüş meydanında qazandığı zəfərdən, işğal altında olan torpaqlarımızın azad edilməsində qəhrəman şəhidlərimizin, əsgər və zabitlərimizin, qazilərimizin göstərdiyi şücaətlərdən söz açmışlar. Dəyirmi masa arxasında keçirilən tədbirdə müharibə iştirakçıları öz xatirələrini danşmışlar. Həmçinin bayram ərəfəsində mərkəzin əməkdaşları tərəfindən şanlı Zəfər günü münasibəti ilə tənha yaşayan şəhid ailələri, qazi və müharibə iştirakçıları evlərində ziyarət olunmuş və onlara hədiyyələr təqdim edilmişdir.

Keçidlər