“Xocalı-Bir millətin kədəri” adlı filminə baxış keçirilmişdir
Qəbələ Dövlət Peşə Təhsil Mərkəzində tələbə, mühəndis - pedaqoji heyətin iştirakı ilə Xocalı Soyqırımının 30-cu ildönümünə həsr olunmuş tədbir keçirilmişdir. İlk öncə tədbir iştirakçıları Xocalı faciəsində şəhid olmuş soydaşlarımızın xatirəsini bir dəqiqəlik sükutla yad etdilər. Mərkəzinin direktoru Qalib Nəbiyev çıxış edərək bildirdi ki, 1992-ci 25 fevraldan 26-sına keçən gecə Xocalı Soyqırımı ermənilərin uzun illərdən bəri Azərbaycanda törətdikləri cinayətlərdən ən dəhşətlisi olmuşdur. O, soyqırımı qurbanlarının xatirəsinin heç vaxt qəlblərdən silinməyəcəyini bildirdi, qeyd etdi ki, ümumilli lider Heydər Əliyevin dediyi kimi “Bu amansız və qəddar soyqırım aktı insanlıq tarixinə ən qorxulu kütləvi terror aktlarından biri kimi daxil oldu”. Sonda təhsil mərkəzinin tələbələrinin ifasında Xocalı soyqırımının 30-cu ildönümünə həsr olunmuş səhnəcik göstərilmiş və “Xocalı- Bir millətin kədəri” adlı filmə baxış keçirilmişdir.
.JPG)
.JPG)
