“Narkomaniya əsrin bəlasıdır” adlı tədbir keçirilib
13.04.2022-ci il tarixində Qəbələ Rayon İcra Hakimiyyətinin dəstəyi, Qəbələ Uşaq və Ailələrə Dəstək Mərkəzinin təşkilatçılığı ilə “Narkomaniya əsrin bəlasıdır” adlı tədbir keçirilib. Tədbirdə Qəbələ Rayon İcra Hakimiyyətinin, Rayon Polis Şöbəsinin, Rayon Təhsil Şöbəsinin, UADM-nin nümayəndələri və Qəbələ Dövlət Peşə Təhsil Mərkəzinin müəllim və tələbələri iştirak edib. Tədbirdə narkomaniyanın insan sağlamlığına vurduğu zərərlərdən, onun törətdiyi fəsadlardan, son nəticədə insanları məhvə doğru aparmasından danışılıb. Çıxış edənlər gənclərin, yeniyetmələrin, məktəblilərin bu bəladan uzaq olmasının yolları haqqında məlumat vermişlər. Tədbir qarşılıqlı müzakirə şəkilində aparılmış, iştirakçılara mövzu ilə əlaqədar bukletlər paylanılmışdır.
