31 mart - Azərbaycanlıların Soyqırımı Günü ilə əlaqədar tədbir keçirilib
Qəbələ rayon Heydər Əliyev Mərkəzinin təşkilatçılığı, Vəndam qəsəbə E. Mehdiyev adına 1 saylı tam orta məktəbin müəllim və şagird kollektivinin iştirakı ilə 31 mart - Azərbaycanlıların Soyqırımı Günü ilə əlaqədar "Dünyanı soyqırımlardan qoruyaq" adlı tədbir keçirilib. Çıxışlarda tarixən erməni vandalları tərəfindən azərbaycanlılara qarşı məqsədyönlü şəkildə həyata keçirilmiş etnik təmizləmə siyasətindən, xalqımızın soyqırıma və deportasiyaya məruz qalmasından söz açılıb, 31 mart soyqırımının səbəbləri, həyata keçirilməsi üsulları, nəticələri, bu faciənin araşdırılması və həqiqətlərin dünyaya yayılmasında ümummilli lider Heydər Əliyevin müstəsna xidmətləri xüsusilə qeyd edilib. Sonda şagirdlər Mərkəzin ekspozisiya zalında dahi şəxsiyyət Heydər Əliyevin zəngin siyasi irsi və Azərbaycan xalqı qarşısındakı misilsiz xidmətlərini özündə əks etdirən eksponatlarla tanış olmuşlar.
