Qəbələdə “Hekayəti xırs quldurbasan” komediyası nümayiş olunmuşdur.
Azərbaycan Prezidenti İlham Əliyevin “Azərbaycan teatr sənətinin inkişaf etdirilməsi haqqında” 2007-ci il tarixli Sərəncamına və 2009-cu il 18 may tarixli Sərəncamı ilə təsdiq etdiyi “Azərbaycan teatrı 2009-2019-cu illərdə” Dövlət Proqramına uyğun olaraq Gənc Tamaşacılar Teatrının yaradıcı kollektivi bölgələrə yaşayan tamaşaçılar qarşısında öz çıxışlarını nümayiş etdirirlər.
Belə çıxışlardan biri Qəbələ şəhərində, Qəbələ Mədəniyyət Mərkəzinin tamaşaçı zalında teatrsevənlərə təqdim olunmuşdur.
Qurluşcu rejissoru xalq artisti Cənnət Səlimova, qurluşcu rəssamı Tahir Tahirov, bəstəkar Firidun Allahverdi olan, milli dramaturgiyamızın banisi Mirzə Fətəli Axundovun “Hekayəti xırs quldurbasan” komediyasını aktyorlardan Şövqi Hüseynov, Natiq Fərzəliyev, Elnur Kərimov və Seyidşah Məmmədov tamaşaçılar qarşısında böyük bacarıqla nümayiş etdirmişlər.
Yaradıcı heyətin çıxışı qəbələlilər tərəfindən yüksək alqışlarla qarşılanmışdır.
