“44 günlük - Şanlı Zəfər” adlı tədbir keçirilib
04.11.2022-ci il tarixində Qəbələ Uşaq və Ailələrə Dəstək Mərkəzinin təşkilatçılığı ilə ” 44 günlük- Şanlı Zəfər” adlı tədbir keçirilib. Tədbirdə Qəbələ UADM-nin əməkdaşları ilə yanaşı şəhid ailələri, qazilər, Qəbələ Qızıl Aypara Cəmiyyətinin, tarix diyarşünaslıq muzeyinin, Qəbələ Dini İcmanın nümayəndələri və 1 saylı tam orta məktəbin şagirdləri iştirak ediblər. Tədbir Azərbaycan Respublikasının Dövlət Himninin səslənməsi ilə başlayıb. Şəhidlər bir dəqiqəlik sükutla yad edilib. Tədbirdə 44 günlük Vətən müharibəsində ordumuzun döyüş meydanında göstərdiyi şücaətlərdən danışılıb. Qeyd edilib ki, işğal altında olan torpaqlarımız qəhrəman şəhidlərimizin, əsgər və zabitlərimizin, qazilərimizin qanı və canı bahasına azad olunub. Sonda məktəblilərin ifasında şeir-kompozisiya səsləndirilib.
