Qazax məktəbliləri Qəbələyə gəlmişlər.
Azərbaycan Respublikası Prezidenti Yanında Bilik Fondunun “İlboyu bilik” proqramının “Qardaşlaşmış məktəblər” layihəsi çərçivəsində keçirilən tədbirlərindən biri Qəbələ şəhərində gerçəkləşmişdir.
Noyabrın 28-də fondun təşəbbüsü ilə Qazax şəhər 1 nömrəli tam orta məktəbinin 12 nəfər şagirdi Qəbələ şəhər 2 nömrəli tam orta məktəbinə gəlmişdir. Tədbir ulu öndər Heydər Əliyevin abidəsi önünə gülqoyma mərasimi ilə başlamışdır.Sonra məktəblilərin Şəhidlər Xiyabanına, Heydər Əliyev Mərkəzinə, Qəbələ Tarix-Diyarşünaslıq Muzeyinə, Çuxur Qəbələ Tarix-Mədəniyyət Qoruğuna ekskursiyası təşkil edilmişdir. Tədbir iştirakçıları Qafqaz Albaniyası haqqında məlumatlar əldə etmiş, tarixi abidələrlə tanış olmuşlar. Noyabrın 29-da məktəblilər arasında “Heydər Əliyev və müstəqilliyimiz” mövzusunda viktorina keçirilərək, qaliblərə hədiyyələr təqdim edilmişdir.
Tədbirin sonunda 2 nömrəli tam orta məktəbin şagirdlərinin ulu öndərə həsr etdikləri “Sən elə bir zirvəsən” əbədi-bədii kompozisiyası nümayiş etdirilmışdir.
Qonaqlar qədim Qəbələ torpağından xoş təəssüratla ayrılmışlar.
