Qəbələdə Azərbaycan Qızıl Aypara Cəmiyyətinin 95 illiyinə həsr olunmuş rəsm sərgisi keçirilmişdir.
Mart ayının 10-da Azərbaycan Qızıl Aypara Cəmiyyətinin yaranmasının 95 ili tamam olur. Bu münasibətlə cəmiyyətin Qəbələ Rayon Qızıl Aypara Bölməsində tədbirlər planı hazırlanmış və silsilə tədbirlərin həyata keçirilməsinə başlanılmışdır.
Belə tədbirlərdən biri də məktəblilər arasında keçirilən “Gözəllik diyarı Qəbələ” mövzusunda rəsm müsabiqəsidir. Bu mövzunun seçilməsində məqsəd gündən- günə gözəlləşən, abadlaşan Qəbələni məktəblilərin gözü ilə təsvir etmək, onların yaradıcılıq potensialını üzə çıxarmaqdır.
Qəbələ Dövlət Rəsm Qalereyasında təşkil olunan sərgidə 12 ümümtəhsil və Qəbələ İncəsənət Məktəbinin 23 şagirdinin 42 əl işləri nümayiş etdirilmişdir. Qalıblər rayon qızıl aypara bölməsinin hədiyyələri, pul mükafatları və Fəxri Fərmanları ılə təltif edilmişlər.
