Qəbələnin uşaq-gənclər idman məktəbinin komandası U-10 Liqasının qalibi olmuşdur.
21 may 2015 | 10:00
“Neftçi” və Qəbələnin uşaq-gənclər idman məktəbinin komandaları arasında keçirilmiş final oyunu ilə AFFA-nın U-10 Liqasının 2014/2015-ci il mövsümünə yekun vurulmuşdur. Qarşılaşma 4:3 hesabı ilə Qəbələ təmsilçisinin xeyrinə başa çatmışdır. Oyun başa çatdıqdan sonra mükafatlandırma mərasimi təşkil olunmuşdur. Mükafatları AFFA-nın mətbuat və ictimaiyyətlə əlaqələr şöbəsinin müdiri Mikayıl Nərimanoğlu, uşaq və gənclər üzrə yarışların təşkili şöbəsinin müdiri Yusif Vəliyev, “Neftçi” klubunun idman direktoru Vəli Qasımov və “Qəbələ”nin futbol direktoru Toni Adams təqdim etmişlər.
Keçidlər
