“Gənc xilasedici və yanğınsöndürən”lərin zona birinciliyi.
Azərbaycan Respublikası Fövqəladə Hallar Nazirliyinin təşkilatçılığı, Təhsil, Gənclər və İdman nazirliklərinin dəstəyi ilə FHN-nin yaradılmasının 10 illiyinə həsr olunmuş “Gənc xilasedici və yanğınsöndürən”lərin Qəbələdə zona birinciliyinin keçirilməsinə başlanılmışdır. Birincilikdə Qobustan, Ağsu, Şamaxı, İsmayıllı, Qəbələ , Oğuz, Şəki, Qax, Zaqatala və Balakən rayonlarından olan məktəblilər iştirak edirlər. Komandalar şərti olaraq yük avtomobillərində və yaşayış evlərində baş verən yanğının söndürülməsi əməliyyatının uğurla başa vurulması, qısa vaxt ərzində yanğının dəf edilməsi və insanların müxtəlif vasitələrin köməyi ilə xilas edilməsi istiqamətində bacarıqlarını nümayiş etdirəcəklər. Tədbirə ümumilkdə 150 nəfərə qədər iştirakçı qatılmışdır.
