Üzümçülüyün inkişafı diqqət mərkəzində saxlanılır.
Qəbələnin torpaq, iqlim şəraiti burada üzümçülüyün böyük sahələrdə və ilboyu intensiv becərilməsi üçün çox əlverişlidir. Elə bu baxımdan da kənd təsərrüfatının bu mühüm sahəsi daim diqqət mərkəzində saxlanılır, onun inkişaf etdirilməsinə böyük qayğı göstərilir. Ona görə də son vaxtlar rayonda üzümçülük sahəsinin dirçəldilməsi, onun keçmiş şöhrətinin özünə qaytarılması üçün mühüm tədbirlər həyata keçirilir. “2012-2020-ci illərdə Azərbaycan Respublikasında üzümçülüyün inkişafına dair Dövlət Proqramı”na uyğun olaraq bu sahənin inkişaf etdirilməsi istiqamətində fiziki və hüquqi şəxslər tərəfindən ardıcıl işlər görülür. Bu il fermerlər tərəfindən 15 hektar sahədə yeni üzüm plantasiyası salınmış və mövcud bar verən 480 hektar üzüm bağından 3743 ton məhsul tədarük olunmuşdur. Hazırda üzüm yığımı davam edir.
