8 Noyabr – Zəfər günü münasibəti ilə rəsm sərgisi keçirilib
Qəbələ Dövlət Rəsm Qalereyası tərəfindən 8 Noyabr – Zəfər günü münasibəti ilə “ Şanlı Zəfər tarixi yazan qəhrəmanlar” adlı rəsm sərgisi keçirilib. Tədbirdə öncə Ulu Öndər Heydər Əliyevin və torpaqlarımızın azadlığı uğrunda canından keçərək şəhadətə ucalmış şəhidlərimizin xatirəsi 1 dəqiqəlik sükutla yad edilib. Çıxış edənlər erməni silahlı qüvvələrinin təcavüzünə cavab olaraq başlayan Vətən müharibəsində qazanılmış qələbədən, xalqın ölkə prezidenti İlham Əliyevin ətrafında yumruq kimi birləşməsinən danışmış, vətən uğrunda canından keçmiş şəhidlərə rəhmət, ailələrə səbr diləmiş, qazilər və müharibə iştirakçılarına can sağlığı arzulamışlar. Sonda Zarağan 2 saylı və Xırxatala kənd tam orta məktəb şagirdlərinin ifasında 8 noyabr – Zəfər gününə həsr edilmiş şeirlər səslənmiş və vətənpərvərlik mövzusunda işlədikləri rəsm əsərlərindən ibarət sərgiyə baxış keçirilmişdir.
