"Heydər Əliyev və Azərbaycan gəncliyi" adlı tədbir keçirilib
02 fevral 2026-cı il tarixdə Qəbələ rayon Heydər Əliyev Mərkəzinin təşkilatçılığı ilə 2 Fevral – Azərbaycan Gəncləri Günü münasibətilə "Heydər Əliyev və Azərbaycan gəncliyi" adlı tədbir keçirilib. Qəbələ Dövlət Peşə Təhsil Mərkəzində keçirilən tədbir Ümummilli Lider Heydər Əliyevin və Vətənimizin müstəqilliyi və ərazi bütövlüyü uğrunda şəhid olanların xatirəsinin bir dəqiqəlik sükutla yad edilməsi ilə başlayıb. Tədbirdə çıxış edənlər Ulu Öndərin hakimiyyətə ikinci dəfə qayıdışından sonra Azərbaycanda dövlət gənclər siyasətinin əsasının qoyulması, bu siyasətin nəticəsi kimi ölkəmizdə idarəetmə bacarığı ilə seçilən intellektual, geniş dünyagörüşlü yeni nəslin yetişdiyini diqqətə çatdıraraq, müstəqillik və dövlətçiliyimizin möhkəmləndirilməsi, etibarlı gələcəyimizin təmin edilməsində gənclərin fəaliyyətinin böyük rol oynadığını bildirmişlər.
