“Konstitusiya və Suverenlik ili” çərçivəsində “Əsas Qanun, Əbədi Dövlət” adlı tədbir keçirilib
Qəbələ rayon Heydər Əliyev Mərkəzi, Şəki - Zaqatala Regional Gənclər və İdman İdarəsi, Qəbələ Regional Asan Xidmət Mərkəzi və Qəbələ rayon Təhsil sektorunun birgə təşkilatçılığı ilə “Konstitusiya və Suverenlik ili” çərçivəsində “Əsas Qanun, Əbədi Dövlət” adlı tədbir keçirilib. Tədbirdə çıxış edənlər Prezident İlham Əliyevin 28 dekabr 2024-cü il tarixli Sərəncamı ilə 2025-ci ilin “Konstitusiya və Suverenlik” ili elan edilməsi, dövlətçilik tariximizin mühüm mərhələlərinin qeyd olunması baxımından çox əhəmiyyətli olduğunu qeyd etmiş, konstitusiyanın sadəcə bir qanun toplusu deyil, dövlətin quruluşunu və vətəndaşların hüquqlarını ifadə edən əsas hüquqi baza olduğunu vurğulamışlar. Hər bir çıxışda səslənən fikirlər bir daha sübut edib ki, müstəqillik bizim ən böyük sərvətimizdir və onu qorumaq hər bir Azərbaycan vətəndaşının borcudur.
