“Könüllü qonaq”adlı layihə keçirilib
07 noyabr 2024 | 17:05
Qəbələ Rayon Uşaq və Ailələrə Dəstək Mərkəzinin (UADM) və Qəbələ Dövlət Peşə Təhsil Mərkəzinin birgə təşkilatçılığı ilə 8 noyabr - Zəfər Günü münasibətilə “Könüllü qonaq” adlı layihə çərçivəsində Vətən Müharibəsi şəhidi Tapdıq Ağayevin ailəsi ziyarət edilib. Ziyarətçilər şəhidin keçdiyi döyüş yoluna nəzər salmış, göstərdiyi qəhramanlıqlardan danışmışlar. Şəhidin ailə üzvləri Tapdıq Ağayevin vətənə layiq bir övlad olduğunu, kiçik yaşlarından vətənpərvərlik ruhunda tərbiyə olunduğunu və onunla fəxr etdiklərini söyləmiş, şəhid ailələrinə dövlət tərəfindən göstərilən diqqət və qayğıya görə təşəkkürlərini bildirmişlər. Sonda şəhid ailəsinə mərkəz tərəfindən xatirə hədiyyəsi təqdim edilib.
Keçidlər
