Qəbələ rayon məktəbəqədər təhsil müəsissələri tərəfindən “Sən elə bir zirvəsən “ adlı tədbir keçirilmişdir
“Heydər Əliyev İli” çərçivəsində Qəbələ rayon məktəbəqədər təhsil müəsissələrinin birgə təşkilatçılığı ilə Azərbaycan xalqının Ümummilli Lideri, görkəmli siyasi və dövlət xadimi Heydər Əliyevin anadan olmasının 100 illiyi ilə bağlı “Sən elə bir zirvəsən “ adlı tədbir keçirilmişdir. Rayon Təhsil sektorunun, gənclər və idman idarəsinin nümayəndələrinin də iştirak etdiyi tədbirdə Dövlət Himni səsləndirilmiş, Ulu Öndərin və Vətən uğrunda canından keçmiş şəhidlərin xatirəsi bir dəqiqəlik sükutla yad edilmişdir. Çıxış edənlər Ulu Öndər Heydər Əliyevin Vətən və xalq qarşısındakı misilsiz xidmətlərindən, dövlət tərəfindən təhsil sahəsinə göstərilən diqqət və qayğıdan danışmışlar. Tədbirdə balaca fidanlar Ulu Öndərə və Vətən müharibəsində qazanılan Şanlı Qələbəyə həsr olunmuş şeirlər söyləmiş, mahnılar, ədəbi-bədii kompozisiyalar ifa etmişlər. Tədbirin sonunda Ümummilli Lider Heydər Əliyevin həyat və fəaliyyətini əks etdirən film nümayiş olunmuşdur.
