Qəbələ Rayon Tarix Diyarşünaslıq Muzeyi "Nurlu sima" adlı tədbir keçirmişdir
08 may 2023-cü il tarixdə Qəbələ Rayon Tarix Diyarşünaslıq Muzeyinin təşkilatçılığı ilə Azərbaycanın Ümummilli Lideri Heydər Əliyevin 100 illik yubileyi ilə əlaqədar "Nurlu sima" adlı tədbir keçirilmişdir. Muzeyin direktoru Bəxtiyar Vəliyev tədbiri giriş sözü ilə açaraq Ümummilli Lider Heydər Əliyevin əvəzedliməz xidmətləri və dünyəvi dövlət quruculuğu, vətəndaş cəmiyyətinin təşəkkülü, milli dəyərlərə qayıdış, elmin, təhsilin, mədəniyyətin inkişafı sahəsində böyük əməyini vurğulamışdır. Tədbirə iştirak edən Qəbələ Uşaq Reabilitasiya Mərkəzinin, Dövlət Rəsm Qalereyasının, rayonun məktəbəqədər təhsil və ümumtəhsil müəssisələrinin nümayəndələrinin əl işləri, rəsm əsərləri nümayiş edilmiş, uşaqların ifasında şeirlər səsləndirilmişdir. Sonda sərgidə xüsusi fəallıq gösdərənlər fəxri fərmanla təltif edilmişlər.
