Qəbələ rayon ümumtəhsil müəssisələrində "20 Yanvar" faciəsinin 34-cü ildönümünə həsr olunmuş sislsilə tədbirlər keçirilib
Qəbələ rayonunun bütün ümumtəhsil müəssisələrində "20 yanvar Ümumxalq Hüzn günü"nə həsr olunmuş dəyirmi masa, seminar və mühazirələr, rəsm sərgisi, idman yarışları, tarixi günə həsr olunmuş xüsusi dərslər keçirilmişdir. Tədbirlərdə Qəbələ rayon Təhsil sektorunun əməkdaşları, təhsil müəssisələrinin pedaqoji və şagird kollektivləri iştirak ediblər. Ulu Öndər Heydər Əliyevin və faciə qurbanlarının xatirəsinin bir dəqiqəlik sükutla yad edilməsi ilə başlayan tədbirlərdə 20 Yanvar faciəsinin səbəblərindən, Azərbaycan xalqının azadlıq mübarizəsi diqqətə çatdırılaraq, həmin gün xalqımıza qarşı törədilən bu qanlı və qəddar aksiyaya Ulu Öndər Heydər Əliyevin 1993-cü ildə ikinci dəfə hakimiyyətə qayıdışından sonra siyasi-hüquqi qiymət verildiyi bərədə danışılmışdır. Sonda məktəblilərin hazırladıqları ədəbi-bədii kompazisiyalar və səhnəciklər təqdim olunmuşdur.
