Qəbələ rayonu Nic qəsəbəsində Milad bayramı qeyd edilib
Qəbələ rayonunun Nic qəsəbəsində pravoslav xristianlarının bayramı olan Milad bayramı münasibətilə tədbir keçirilmişdir. Qəsəbədə fəaliyyət göstərən “Cotari” alban kilsəsində təşkil edilmiş mərasimdə Alban-Udi icmasının üzvləri ilə yanaşı rayon ictimaiyyətinin nümayəndələri də iştirak etmişlər. Mərasimda çıxış edən Azərbaycan Respublikası Alban-Udi Xristianları İcmasının sədri Robert Mobili və icmanın üzvləri Milad bayramının mahiyyətindən, tolerantlıq diyarı olan Azərbaycanda dini ayinlərin icrası üçün yaradılan şəraitdən danışmış, bayram münasibətilə təbriklər səsləndirərək Azərbaycan Respublikasının Prezidenti İlham Əliyevə, Birinci vitse-prezident Mehriban xanım Əliyevaya və Heydər Əliyev Fondunun vitse-prezidenti Leyla xanım Əliyevaya Nic qəsəbəsinə göstərdikləri diqqət və qayğıya görə öz minnətdarlıqlarını bildirmişlər.
