Qəbələ rayonu üzrə 53 məzun qəbul imtahanlarında 600-dən yuxarı bal toplayıb
2023-2024-cü tədris ili Qəbələ rayonunun ümumtəhsil müəssisələrini tam orta təhsil səviyyəsi üzrə bitirən 1173 nəfər məzundan 100 nəfəri fərqlənmə attestatına, 2 nəfəri isə qızıl nişana və xüsusi nümunəli attestata layiq görülüb. Buraxılış imtahanında 3 nəfər şagird maksimum nəticə göstərib. Ali məktəblərə sənəd verən 782 nəfər məzundan 556 nəfər ölkənin müxtəlif ali məktəblərinə, o cümlədən 21 nəfər Qarabağ Universitetinə qəbul olub. 53 nəfər məzun qəbul imtahanlarında 600-dən yuxarı bal toplayıb. Rayon üzrə ən yüksək nəticəni Həmzəli kənd tam orta məktəbin məzunu Yusibov Elşən Səfa oğlu (682 bal) göstərib. Tələbə adını qazanmış bütün məzunları təbrik edir, onlara təhsildə və həyatda uğurlar arzulayırıq. Onu da qeyd edək ki, rayonun ümumtəhsil müəssisələrini ümumi orta təhsil səviyyəsi üzrə bitirən 1509 nəfər şagirdin 35 nəfəri fərqlənmə attestatına layiq görülüb.
