Qəbələ rayonunda “Sahibkarların bilik və bacarıqlarının artırılması” mövzusunda görüş keçirilib
16 avqust 2024-cü il tarixdə Qəbələ rayon Zarağan kəndi ərazisində Azərbaycan Respublikasının Kiçik və Orta Biznesin İnkişafı Agentliyi tərəfindən sahibkarların bilik və bacarıqlarının artırılması, məsləhət xidmətlərinin göstərilməsi, müvafiq sahələrdə xidmət göstərən sahibkarlar arasında əlaqələrin qurulması, onların üzləşdikləri çətinliklərin dinlənilməsi və təkliflərin müzakirəsi məqsədi ilə açıq havada görüş keçirilib. Azərbaycan Respublikasının Kiçik və Orta Biznesin İnkişafı Agentliyinin Şəki-Zaqatala regional koordinatorluğunun, Qəbələ Rayon İcra Hakimiyyətinin, Dövlət Məşğulluq Agentliyininin nümayəndələrinin və müvafiq sahibkarlıq subyektlərinin iştirak etdiyi tədbirdə sahibkarların qarşılaşdıqları çətinliklərin operativ həlli, ehtiyaclarının düzgün müəyyənləşdirilməsi və təmin olunması istiqamətində fikir mübadiləsi aparılıb.
