Qəbələ rayonunda "Sənə Zəfər yaraşır, Azərbaycan!" adlı bədii qiraət və rəsm müsabiqəsi keçirilib
1 noyabr 2024-cü il tarixində 20 oktyabr- 20 noyabr “Uşaq hüquqları aylığı” çərçivəsində uşaqların yaradıcılıq potensialının inkişaf etdirilməsi, onların vətənpərvərlik ruhunda tərbiyə olunması və həmçinin "Zəfər günü"nə həsr olunmuş "Sənə Zəfər yaraşır, Azərbaycan!" adlı bədii qiraət və rəsm müsabiqəsi keçirilib. Qəbələ rayon Mədəniyyət Mərkəzində keçirilən tədbir Azərbaycan Respublikasının Dövlət Himninin səsləndirilməsi və torpaqlarımızın ərazi bütövlüyü uğrunda canlarından keçən şəhidlərimizin əziz xatirəsinin bir dəqiqəlik sükutla yad edilməsi ilə başlayıb. Çıxış edənlər Vətən müharibəsində qazanılan möhtəşəm Qələbənin Müzəffər Ali Baş Komandan ilham Əliyevin əzmkarlığının, xalqımızın birliyinin, həmrəyliyinin, rəşadətli Azərbaycan Ordusunun əsgər və zabitlərinin misilsiz qəhrəmanlıqlarının qələbəsi olduğunu iftixar hissi ilə vurğulamış və qəhrəman şəhidlərimizin keçdiyi şərəfli döyüş yollarından, göstərdikləri şücaətlərdən bəhs etmişlər. Müsabiqədə müxtəlif yaş qruplarından olan uşaqların vətənpərvərlik mövzusunda çıxışları səsləndirilmiş və rəsm işləri nümayiş etdirilmişdir. Sonda müsabiqə iştirakçılarına Mədəniyyət Mərkəzinin "Diplom" və "Fəxri Fərman"ları təqdim olunmuşdur.
