Qəbələdə “Gender bərabərliyi və idarəetmədə qadınlar” mövzusunda ictimai dinləmə keçirilmişdir.
03 mart 2026-cı il tarixində Qəbələ RİH-nin, uşaq və ailələrə dəstək mərkəzinin təşkilatçılığı ilə 8 Mart Beynəlxalq Qadınlar Gününə həsr olunmuş “Gender bərabərliyi və idarəetmədə qadınlar” mövzusunda ictimai dinləmə keçirilmişdir. İctimai dinləmədə Qəbələ RİH-nin, polis şöbəsinin, təhsil sektorunun, idarə, müəssisə və təşkilatların, eləcə də ictimaiyyət nümayəndələri və ekspert qrupunun üzvləri iştirak etmişlər. İctimai dinləmə zamanı gender bərabərliyinin təmin olunması istiqamətində görülən işlər, mövcud problemlər müzakirə edilmiş, qadınların qərar qəbuletmə prosesində iştirakının artırılmasının, əmək bazarında bərabər imkanların yaradılmasının və məişət zorakılığına qarşı mübarizənin gücləndirilməsinin vacibliyi vurğulanmışdır. Sonda iştirakçıları maraqlandıran suallar cavablandırılıb. Rayonun ictimai-siyasi həyatında fərqlənən qadınlara “Təşəkkürnamə” təqdim edilib.
