Qəbələdə Yeni Azərbaycan Partiyasının (YAP) yaradılmasının 32 illiyi ilə əlaqədar tədbir keçirilib
21 noyabr 2024-cü il tarixdə Yeni Azərbaycan Partiyasının (YAP) yaradılmasının 32- ci ildönümü ilə əlaqədar YAP Qəbələ Rayon Təşkilatında tədbir keçirilib. Tədbir iştirakçıları öncə Ümummilli Lider Heydər Əliyevin abidəsini ziyarət etmiş, xatirəsini ehtiramla yad edərək önünə gül dəstələri düzmüşlər. Partiyanın rayon təşkilatının inzibati binasında davam edən tədbirdə Azərbaycan Respublikasının Dövlət Himni səsləndirilmiş, Ulu Öndər Heydər Əliyevin və torpaqlarımızın azadlığı uğrunda canından keçərək şəhadətə ucalmış şəhidlərimizin xatirəsi 1 dəqiqəlik sükutla yad edilmiş və partiyanin keçdiyi şərəfli yolu əks etdirən video-çarx nümayiş etdirilmişdir. Sonda bir qrup partiya fəalına YAP Qəbələ Rayon Təşkilatının Fəxri Fərmanı və partiya sıralarına yeni qəbul olunmuş bir qrup şəxsə üzvlük vəsiqəsi təqdim edilmişdir.
