"QəbələFest" çərçivəsində "Mədəniyyətlərin qovşağı" adlı beynəlxalq incəsənət sərgisi böyük maraqla davam edir
01 avqust 2026 | 10:39
"QəbələFest" çərçivəsində təşkil olunan "Mədəniyyətlərin qovşağı" adlı birinci beynəlxalq incəsənət sərgisi sakinlərin və festival qonaqlarının zəngin ziyarətçi axını ilə öz işini davam etdirir. Sərgidə yerli və xarici sənətkarların təsviri sənət, heykəltəraşlıq və tətbiqi sənət sahəsində yaratdıqları bir-birindən dəyərli əsərləri nümayiş olunur. Müxtəlif ölkələrin zəngin mədəniyyətini və bədii üslublarını bir araya gətirən bu möhtəşəm ekspozisiya incəsənət həvəskarlarına fərqli dünyagörüşü və estetik zövq bəxş etməkdədir. Mədəniyyətlərarası dialoqun parlaq təzahürünə çevrilən beynəlxalq sərgi festival günləri boyunca ziyarətçilərin ixtiyarında olacaq.
Keçidlər
