Rayonun ümumtəhsil müəssisələrində Ümummilli Lider Heydər Əliyevin anım günü ilə bağlı silsilə tədbirlər keçirilir
Qəbələ rayon ümumi təhsil müəssisələrində Ulu Öndər Heydər Əliyevin anım günü ilə əlaqədar “bilik yarışması”, rəsm sərgisi və idman yarışları təşkil edilmişdir. Təhsil müəssisələrinin pedaqoji kollektivlərinin, şagirdlər və valideynlərin iştirak etdiyi anım tədbirlərində öncə Ümummilli Lider Heydər Əliyevin əziz xatirəsi bir dəqiqəlik sükutla yad edilmişdir. Çıxış edənlər müstəqilliyə gedən yolumuzu işıqlandıran dünya şöhrətli ictimai-siyasi xadim Heydər Əliyevin Azərbaycanın dövlətçilik tarixində göstərdiyi əvəzsiz xidmətləri şagirdlərin diqqətə çatdıraraq, onun öz xalqını ən çətin vəziyyətlərdən çıxardığını, düzgün yol göstərdiyini, dahi liderin diqqət və qayğısı sayəsində digər sahələr kimi, elm və təhsil sahəsində də böyük nailiyyətlərin əldə olunduğunu vurğulamışlar. Bununla yanaşı şagirdlərin Heydər Əliyev Mərkəzinə ekskursiyaları təşkil edilmiş, ağacəkmə aksiyaları keçirilmişdir. Keçirilən sislsilə tədbirlərdə məktəblilər Ulu Öndərə həsr olunan şeirlər söyləmiş, mahnılar ifa etmiş, ədəbi-bədii kompozisiyalar nümayiş etdirmiş və Qəbələ şəhər 4 saylı tam orta məktəbdə Ulu Öndərin xatirəsinə həsr olunmuş “Tarix gecəsi” keçirilmişdir.
