“Şahin” hərbi-idman oyunu üzrə rayon birinciliyi keçirilmişdir.
Qəbələ Rayon Gənclər və İdman idarəsinin təşkilatçılığı, rayon təhsil sektorunun, Səfərbərlik və Hərbi Xidmətə Çağırış üzrə Dövlət Xidmətinin Qəbələ Rayon şöbəsinin dəstəyi ilə 11 aprel 2023-cü il tarixdə Qəbələ şəhər 2 saylı tam orta məktəbdə “Şahin” hərbi-idman oyunu üzrə rayon birinciliyi keçirilmişdir. Yarışın açılış mərasimində rayon gənclər və idman idarəsinin rəisi Fəxri Soltanov çıxış edərək gənc şahinləri salamlamış və “Şahin” hərbi - idman oyununun keçirilməsində məqsədin məktəblilər arasında aparılan hərbi vətənpərvərlik tərbiyəsi işini daha da gücləndirmək, orta məktəb şagirdlərinin hərbi-idman oyunlarına cəlb etməklə onların ordu sıralarında xidmətə hazırlığını inkişaf etdirməkdən ibarət olduğunu bildirmişdir. Digər çıxış edənlər hərbi-idman oyununun keçirilməsinin məqsəd və vəzifələri barədə danışaraq, komandalara uğurlar arzulamışlar. Yarışda rayonun ümümtəhsil məktəblərinin VIII-X sinif şagirdlərindən ibarət 11 komanda iştirak etmişdir. Yekun nəticəsyə görə Qəbələ şəhər 2 saylı tam orta məktəbin komandası I yerə, şəhər 3 saylı tam orta məktəbin komandası II yerə və Böyük Pirəlli kənd tam orta məktəbin komandası isə III yerə layiq görülmüşdür.Şəki şəhərində keçiriləcək zona yarışında rayonumuzu Qəbələ şəhər 2 saylı tam orta məktəbin komandası təmsil edəcək.
