XV Qəbələ Beynəlxalq Musiqi Festivalının ikinci günündə Vyetnamın “Bronze drum” ansamblı çıxış edib
31 iyul 2026 | 11:48
Heydər Əliyev Fondunun təşəbbüsü və təşkilatçılığı, Azərbaycan Respublikası Mədəniyyət Nazirliyi, Bakı Musiqi Akademiyası və “Gilan”ın dəstəyi ilə keçirilən XV Qəbələ Beynəlxalq Musiqi Festivalının ikinci günü rəngarəng proqramla yadda qalıb. Heydər Əliyev Konqres Mərkəzində təşkil olunan gecədə Vyetnamdan dəvət olunmuş “Bronze drum” ansamblı “Vyetnamın milli vokal janrlarına İntroduksiya” proqramı ilə çıxış edir. Ansambl zərb alətlərinin müşayiətilə ifa etdiyi milli vokal əsərləri, xalq musiqisi nümunələri və dahi bəstəkarların unikal kompozisiyaları ilə sənətsevərlərə unudulmaz anlar yaşadıb. Mədəniyyətlərarası dialoqun parlaq nümunəsinə çevrilən konsert tamaşaçılara unudulmaz anlar yaşadıb.
Keçidlər
