Yeni Azərbaycan Partiyası Qəbələ Rayon Təşkilatında Heydər Əliyevin xatirəsi anılıb
Yeni Azərbaycan Partiyası Qəbələ Rayon Təşkilatında Azərbaycan xalqının Ümummilli lideri, dahi şəxsiyyət, dünya şöhrətli siyasi xadim Heydər Əliyevin anadan olmasının 99-cu ildönümü ilə əlaqədar “Zirvələrə Ucalan İnsan” mövzusunda konfrans keçirib. Öncə iştirakçılar Ulu Öndərin büstü önünə tər gül dəstələri düzmüş, bu dahi şəxsiyyətin parlaq xatirəsi qarşısında ehtiramla baş əymişlər. Konfransda Ulu Öndər Heydər Əliyevin, eləcə də ölkəmizin ərazi bütövlüyü və suverenliyi uğrunda mübarizədə canlarını qurban vermiş şəhidlərimizin xatirəsi bir dəqiqəlik sükutla yad edilib. Tədbiri giriş sözü ilə açan YAP Qəbələ rayon təşkilatının sədri Abil Ağasəfov qonaqları salamlayaraq ulu öndərin xatirəsinin nəsillərin yaddaşında hər zaman yaşadığını bildirmiş, onun Azərbaycan tarixindəki xilaskarlıq missiyasının təməlini qoyduğu sosial-iqtisadi inkişaf strategiyasının bu gün də uğurla davam etdirildiyini diqqətə çatdırılmışdır. Tədbirdə çıxış edənlər Ulu öndər Heydər Əliyevin daim xalqın, dövlətin, cəmiyyətin və onun üzvlərinin mənafeyinə xidmət etdiyini, Azərbaycan dövlətinin və xalqının bütövlüyü uğrunda fədakarlıqla çalışdığını, müstəqilliyimizin möhkəmləndirilməsi, dövlətçiliyimizin inkişafı, xalqın rifah halının daha da yaxşılaşdırılması üçün tarixi işlər gördüyünü qeyd etmişlər. Sonda müdrik siyasətçinin həyat və fəaliyyətindən bəhs edən videoçarx nümayiş olunub.
