Qəbələ Uşaq və Ailələrə Dəstək Mərkəzi Dünya Azərbaycanlılarının Həmrəylik Günü və Yeni il münasibətilə tədbir keçirmişdir.
Qəbələ uşaq və ailələrə dəstək mərkəzi Dünya Azərbaycanlılarının Həmrəylik Günü və Yeni il münasibətilə sağlamlıq imkanları məhdud olan uşaqlar üçün bayram tədbiri keçirmişdir.
Tədbirdə sağlamlıq imkanları məhdud uşaqlarala bərabər onların valideyinləri və idarə - təşkilat rəhbərlərindən ibarət 150 nəfər iştirak etmişdir.
Tədbiri uşaq və ailələrə dəstək mərkəzinin direktoru Rəna Mahmudova açaraq qarşıdan gələn yeni il münasibətilə tədbir iştirakçılarını təbrik etmiş, sonra sözü Qəbələ Rayon İcra Hakimiyyətinin başçısı cənab Səbuhi Abdullayevə vermişdir. RİH başçısı çıxışında ölkəmizdə sağlamlığı məhdud olan uşaqlara göstərilən dövlət qayğılarından danışmış, onların müalicəsi, təhsili və yaradıcılıq qabiliyyətlərinin inkişaf etdirilməsi istiqamətində həyata keçirilən tədbirlərdən bəhs etmişdir. Daha sonra cənab Səbuhi Abdullayev sağlamlığı məhdud olan uşaqları və bütün tədbir iştirakçılarını Dünya Azərbaycanlılarının Həmrəylik Günü və Yeni il münasibətilə təbrik etmişdir. Sağlamlıq imkanları məhdud uşaqlara yeni il qabağı köməklik göstərilməsi məqsədilə yerli rəssamlardan Qadir Möylanovun, Mahmud İbrahimlinin, sağılamlıq imkanları məhdud olan uşaqlardan Qorxmaz Müstafayevin, Səkinə İbrahimlinin, Samir Əmirşahlının əl işlərindən ibarət 58 rəsm nümayiş etdirilmiş, Vəfa Mustafayevanın, Aygün Mehdizadənin, Rəna Abdurahmanovanın, Gülayət İsrəfilovanın, Xədicə Eyvazovanın, Çinarə Mustafayevanın 70-ə yaxın rəsm nümunələrinin satış sərgisi keçirilmişdir.
Tədbirdə sağlamlıq İmkanları məhdud uşaqlarala yeni il hədiyyələri təqdim olunmuş, ehtiyacı olan ailələrə maddi yardım verilmişdir. Eləcə də şəhər 2 saylı tam orta məktəbin 5-ci sinif şagirdləri könüllü olaraq bir ailəyə maddi köməklik etmişlər. Tədbir rayon mədəniyyət işçilərinin təşkil etdiyi konsert proqramı ilə başa çatdırılmışdır.
