“Sən fərqlisən” adlı tədbir keçirilib
29 mart 2023-cü il tarixdə Ailə, Qadın və Uşaq Problemləri üzrə Dövlət Komitəsinin Qəbələ Uşaq və Ailələrə Dəstək Mərkəzinin təşkilatçılığı ilə “2 Aprel Ümumdünya Autizm Maarifləndirmə Günü” ilə əlaqədar “Sən fərqlisən” adlı tədbir keçirilmişdir. Tədbirdə autizmli uşaqlar və valideynləri ilə yanaşı digər idarə və təşkilatların nümayəndələri, eləcə də məktəbəqədər və ümumtəhsil müəssisələrinin uşaqları da iştirak edib. Çıxış edənlər autizm sindromu, yaranma səbəbləri və əlamətləri haqqında ətraflı məlumat vermiş, uşaqlar müxtəlif rəqslərlə çıxış etmişlər. Autizm sindromlu övladları olan valideynlər onlara göstədikləri diqqət və qayğya görə ölkə rəhbərliyinə minnətdarlıqlarını bildirmişlər. Sonda autizmli uşaqlara hədiyyələr təqdim edilmişdir.
